Pesë milionë dollarë të ri për garancione për kredi të mikro-ndërmarrjeve dhe studentëve

Majk Fric, drejtor i Misionit të USAID-it, në konferencën e sotme për shtyp theksoi se dy institucionet i përmbahen misionit të tyre origjinal për sigurimin e kredive për ata të cilët nuk kanë qasje deri tek huatë bankare. USAID-i dhe kursimoret "Mundësitë" dhe "FULM" sot nënshkruan memorandum për bashkëpunim, për fondin e ri garantues prej pesë milionë dollarëve për kredi në periudhë prej 10 viteve për mikro-ndërmarrjet dhe studentët, të cilët janë më se të goditurit nga kriza globale financiare në rrjedhë. Majk Fric, drejtor i Misionit të USAID-it, në konferencën e sotme për shtyp theksoi se dy institucionet i përmbahen misionit të tyre origjinal për sigurimin e kredive për ata të cilët nuk kanë qasje deri tek huatë bankare. "USAID krenohet që të dy institucionet u shndërruan në shembuj të menaxhimit të mirë dhe sipërmarrësisë. Në kushtet e sotme ekonomike, misioni i tyre për sigurimin e qasjes deri te kreditë për mikro-ndërmarrjet dhe studentët është më i rëndësishëm se kurdoherë më parë", deklaroi Fric. Drejtoresha e kursimores FULM, Eleonora Zgonjanin përkujtoi se fillimet e punës datojnë që prej vitit 1999, periudhë kur njerëzit tërësisht e kishin humbur besimin në institucionet financiare dhe kursimoret. "Investimet kursyese në valutë vendore ishin posaçërisht poblematike, procedurat për marrjen e kredive ishin shumë të komplikuara, ndërsa kthimi i kredive ishte i pasigurtë. Por sot, përmes tetë filialeve tona, kursimorja FULM siguron mbi 14.000 kredi të cilat e tejkalojnë shumën prej 20 milionë dollarëve. Arritëm, përmes transformimit të sfidave me të cilat u përballëm në fillim, të shndërrohemi në një rrëfim të suksesshëm për më shumë se tetë mijë anëtarë", shtoi Zgonjanin. ab/hr/13:44