Shpërblimet për katastrofat dëmtojnë kompanitë e sigurimit

Me shpërblimet që jep për dëmet e shkaktuara nga katastrofat elementare, shteti ka shkatërruar biznesin e kompanive të sigurimit të cilët japin polisa sigurimi për të mbjellurat. Kjo u konstatua nga përfaqësuesit e kompanive, por nga edhe përfaqësuesit e fermerëve të cilët thonë se njerëzit nuk i sigurojnë të mbjellurat, sepse ata janë mësuar të marrin kompensim nga shteti. “Unë mendoj se qeveria duhet të kryejë këtë veprim vetëm në rast të shkatërrimit total të të mbjellave, nga ana e fatkeqësive natyrore”, deklaroi Magdalena Bllazhevska, përfaqësuese e kompanisë ‘Vardar Osiguruvanje’. Përveç kësaj, një arsye shtesë pse fermerët nuk sigurohen është se 40 për qind polisës duhet të paguhet në para të gatshme. “Tani jemi në fazën e arritjes së një marrëveshje me kompanitë për vitin e ardhshëm, ata 40 për qind që të mund të paguhen në këste, dhe unë mendoj se do të kemi sigurime në numër të madh. Ne duhanxhinjtë kemi shprehi të sigurimit, por nuk mundnim të gjejnë gjuhë të përbashkët me kompanitë”, u shpreh Zhivko Tasevski, përfaqësues i Lidhjes së prodhuesve të duhanit në Maqedoni. Disa nga kompanitë e sigurimeve premtojnë se te ata ekziston varianti,që kjo shumë të paguhet në këste, por para së gjithash duhet ndryshuar vetëdija e fermerëve dhe tu bëhet e qartë se kultura e siguruar është mbrojtja më e mirë. Nga ministria e Bujqësisë thonë se ndryshe nga viti kaluar, kur kishte 120 kërkesa për sigurim, pas zbatimit të subvencionimit prej 60 % nga vlera e polices që ta paguan shteti, kërkesat janë rritur në mbi 840. Planifikohet edhe mbështetje, për sigurimin e gjedheve. “Po bëjmë disa analiza të caktuara, për të parë se cilat pjesë do të mbeten jashtë sigurimeve bujqësore në blegtori dhe eventualisht sugjerimet e mira ti përfshijmë për vitin e ardhshëm edhe në këtë pjesë”, tha Perica Ivanovski, zëvendësministër i Bujqësisë. Ndryshe, sigurimi primar i të mbjellave, që është subvencionuar nga shteti përfshin mbrojtjen nga breshëri, zjarri dhe rrufeja, ndërsa nëse doni mbrojtje shtesë nga përmbytjet, stuhitë dhe ngricat pranverore do të duhet të paguajnë një shumë shtesë. Tani për tani, më shpesh sigurohen vreshtat, drithërat ndërsa prej para do kohe edhe duhani.